Hub Star - Terms

Нэг. Ерөнхий зүйл

Энэхүү Үйлчилгээний нөхцөлөөр "Мета старт" ХХК /цаашид "Компани" гэх/ нь интернет сайт болох Hubstar.mn болон iOS, Android үйлдлийн системтэй гар утасны програм дээр үзүүлэх үйлчилгээг хэрэглэгч авахтай холбоотой харилцааг зохицуулна.
Энэхүү нөхцөл нь Хэрэглэгч (цаашид "Хэрэглэгч" гэх) сайтаар үйлчлүүлэхээсээ өмнө хүлээн зөвшөөрч баталгаажуулсны үндсэн дээр хэрэгжинэ.
Энэхүү нөхцөлд өөрөөр заагаагүй бол дараах нэр томьёог дор дурдсан утгаар ойлгоно:

Компани – Мета старт ХХК;
Сайт – Hubstar.mn интернет сайт болон iOS, Android үйлдлийн системтэй гар утасны аппликейшн болох түр хугацааны зар байршуулах платформ (цаашид “Сайт” гэх);
Хэрэглэгч – энэхүү нөхцөлийг хүлээн зөвшөөрөн Компанийн үйлчилгээг авч буй хувь хүн болон хуулийн этгээд;
Hubstar.mn үйлчилгээ – сайтын туслалцаатай Компанийн үзүүлж буй төлбөргүй болон төлбөртэй үйлчилгээ.

Хэрэв Хэрэглэгч нь энэхүү нөхцөлийг хүлээн зөвшөөрөөгүй бол сайтыг орхин, аппликейшнийг устгахыг зөвлөж байна. Hubstar.mn сайтын үйлчилгээг Хэрэглэгч авахыг энэхүү үйлчилгээний нөхцөлөөр зохицуулна. Hubstar.mn -ээр үйлчлүүлснээр Хэрэглэгч энэхүү нөхцөлтэй танилцаж, хүлээн зөвшөөрсөн гэж ойлгоно.
Компани нь интернет Хэрэглэгчдэд тус нөхцөлийн дагуу үйлчилгээг ашиглахыг санал болгож байна.
Хэрэглэгчдийн дунд явагдаж буй бүх хэлэлцээр Компанийн оролцоогүйгээр явагддаг болно. Компани нь үйлчилгээ байршуулах платформоор л хангадаг болно.

Хоёр. Үйлчилгээ байршуулах журам

Хэрэглэгч нь сайтын заасан хуудсыг бөглөснөөр өөрийн санал болгож буй бараа бүтээгдэхүүн, үйлчилгээгээ сайтад нийтлэх бүрэн эрхтэй.
Хэрэглэгч сайтын гишүүнээр саадгүй бүртгүүлэх бүрэн эрхтэй бөгөөд бүртгэлд өөрт ирсэн нууц кодоороо сайтанд нэвтэрч, сайтын үйлчилгээг авах эрхтэй бөгөөд танилт нэвтрэлтийн Дан системийг ашиглан баталгаажуулалт хийхийг зөвшөөрөн баталгаажуулалт хийснээр үйлчилгээ байршуулах боломжтой болно.
Сайтын үйлчилгээг авснаар энэхүү үйлчилгээний нөхцөлд заасан дүрэм журмыг заавал мөрдөх шаардлагыг хүлээн зөвшөөрсөнд тооцно.
Хэрэглэгч сайт уруу ордог өөрийн нууц кодоо нууцалж, нууц кодтой холбоотой бүх асуудлын хариуцлагыг өөрөө үүрнэ. Хэрэглэгч зөвхөн өөрийн утасны дугаар, имэйл, нууц код ашиглан сайтын үйлчилгээг авах эрхтэй.
Нэг Хэрэглэгч нь (хувь хүн болон хуулийн этгээд) нэг л бүртгэлтэй байна. Нэгээс илүү бүртгэлтэй байх нь хориотой тул автомат системээр тогтоогдсон давхар бүртгэлүүд түр хаагдах болон түгжигдэх болно.
Хэрэглэгч сайт уруу ордог өөрийн нууц кодоо нууцалж, гуравдагч этгээдэд өгөхгүй байх үүрэгтэй.
Үйлчилгээ нийтэлж буй Хэрэглэгч нь өөрийн захиалга, үзүүлж байгаа үйлчилгээний мэдээллийг сайтын журмын дагуу нийтлэх эрхтэй. Үйлчилгээг нийтэлснээр хэрэглэгч нь холбогдох хууль тогтоомжийн дагуу нийтэлсэн үйлчилгээг үзүүлэх эрхтэй гэж ойлгоно.
Хэрэглэгч нь байршуудж байгаа үйлчилгээ буюу нийтэлсэн захиалга, бусдад үзүүлж буй үйлчилгээ, бараа бүтээгдэхүүний чанар, аюулгүй байдал, холбогдох хууль, дүрэм, стандартад харшлахгүй байх тал дээр бүрэн хариуцна.
Үйлчилгээ авагч, захиалагчийн талаас үйлчилгээ үзүүлэгчээс баталгаат хугацаа, чанар аюулгүйн байдлыг, түүнчлэн санал болгосон үйлчилгээнийх нь тусгай зөвшөөрлийг нэхэмжилсэн тохиолдолд үйлчилгээ үзүүлэгч талаас батлан дааж, тэдний хүсэлтийг биелүүлэх үүрэгтэй.
Хэрэглэгч нь өөрийн үзүүлж байгаа үйлчилгээний дэлгэрэнгүй мэдээллийг мэддэг байх шаардлагатай бөгөөд буруу мэдээлэл олсон тохиолдолд нэмэлт мэдээллийг засвар оруулан нэмэх үүрэгтэй.
Хүргэлтийн үйлчилгээний нөхцөл нь барааны тайлбар хэсэгт бичигдсэн байх ба үйлчилгээ үзүүлэх нөхцөл нь үйлчилгээний тайлбарт бичигдэх ёстойг анхаарах. Санал болгож буй үйлчилгээ, худалдаалж буй бараа бүтээгдэхүүн үнэ хөлсийг хэрэглэгч үнэлэх ба хууль дүрэмд харшлахгүй болно.
Хэрэглэгч нь өөрийн үзүүлж байгаа үйлчилгээгээ идэвхтэй сурталчлах эрхтэй бөгөөд өрсөлдөгч, ижил төстэй үйл ажиллагаа үзүүлж байгаа хэрэглэгчидэд саад болохгүй байх үүрэгтэй.
Компани нь нийтлэгдсэн үйлчилгээний хугацааг сунгах, байршлыг өөрчлөх эрхтэй. Хэрэв хэрэглэгч нь сайтын дотоод журам болон хууль дүрмийг зөрчиж, алдаатай үйлчилгээ нийтэлсэн тохиолдолд Компани үйлчилгээ нийтлэхийг хориглож, устгах эрхтэй.
Үйлчилгээ оруулахад дараах зүйлсийг хориглоно:

Нэг хаягаас ижил зар нийтлэх;
Байршуулж буй үйлчилгээ давхцах;
Өөр хоёр хаягаас нэг үйлчилгээ хуулж оруулах;
Хэрэглэгчдийн хуулиар олгогдсон эрх, эрх чөлөөнд халдсан үйлчилгээ болон хууран мэхлэх, худал үйлчилгээ оруулах
Үйлчилгээний гарчиг, утга агуулга нь үйлчилгээний категорид тохирохгүй байх;
Үйлчилгээний гарчигт цэг тэмдэг болон өөр бусад тэмдэгтүүд бичих;
Үйлчилгээний гарчиг, оруулсан зураг, үйлчилгээний тайлбар нь хоорондоо утга санааны зөрчилтэй байх;
Улсын хэмжээний хориотой бараа бүтээгдэхүүнийг зарлан нийтлэх;
Үйлчилгээ нь сайтын админаар дамжин хянагдаж, шаардлага хангасан бол нийтлэгдэнэ.

Дараахи зүйлсийг сурталчилан нийтлэхийг хориглоно: Үйлчилгээний катигороос өөр төрлийн утга агуулсан

Архи согтууруулах ундаа
Тамхи, тамхины төрөл
Мансууруулах бодис
Эротик, секс, садар самуунтай холбогдох хэрэгсэл, үйлчилгээ
Захиалгаар нийлүүлэх бэлэн бус бараа, бүтээгдэхүүн. Жишээ нь: гар утас, машин гадаадаас захиалж өгнө
Хулгайн болон хууль бус бараа, үйлчилгээ
Хүний эрүүл мэнд, аюулгүйн байдалд хор хөнөөлтэй, аюултай бараа
Рентгений аппарат, түүний сэлбэг, дагалдах хэрэгсэл болон бусад цацраг идэвхт бодис хэрэглэдэг аппарат
Байж боломгүй бараа бүтээгдэхүүн
Улсын шагнал, тэмдэг, хувь хүний бичиг баримт болон эдгээрийн албан бланк
Галын аюултай хэрэгсэл, хүнд хор хөнөөлтэй хүйтэн байлдааны зэвсэг
Эмчилгээний чанартай бараа бүтээгдэхүүн: бүх төрлийн эм, эмчилгээний өвс, биологийн идэвхт нэмэлт бүтээгдэхүүн, спорт тэжээл, уураг, витамин, тураах бүтээгдэхүүн, ногоон кофе, цай, амьтны болон ургамлын гаралтай бүтээгдэхүүн, хоолны нэмэлтүүд
Далдын болон ер бусын үйлчилгээ: зурхайн үйлчилгээ, алгын хээ унших, эдгээгч, Аура зураг оношилгоо, бөө, мэргэ төөрөг, уламжлалт бус эмчилгээ  Гуравдагч этгээдийн оюуны өмч
Амьтны тухай хуульд заасны дагуу зэрлэг ан амьтан, тэдгээрийн гаралтай түүхий эд
Дархан цаазтай болон хориотой ан амьтдын яс, арьс, эрхтэн, хэрэглэл гэх мэт: үлэг гүрвэлийн яс, зааны соёо, мөн түүнчлэн үнэт чулуу, музейн үзвэр, бүтээлүүд
Зэрлэг амьтан ба ургамлын аймгийн ховордсон зүйлийг олон улсын хэмжээнд худалдаалах конвенцоос гаргасан хориотой амьтан, ургамлыг худалдаалахыг тус тус хориглоно.
Зар сурталчилгааны тухай болон бусад хууль тогтоомжийн дагуу хориотой зүйлс
Хуурамч болон залилангийн шинжтэй зар оруулвал хуулийн дагуу хариуцлага хүлээх болно

Үйлчилгээ нийтлэх дүрэм

Үйлчилгээг байршуулахдаа катигорын дагуу сонголтуудыг заасан талбараас сонгох бөгөөд доорх заалтуудыг анхаарах

Нийтлэгчийн хувийн мэдээлэл

Баталгаажуулалт хийгдсэн профайл хэсэг дээрх мэдээлэл нийтлэгдэнэ.

Үйлчилгээний гарчиг

Үйлчилгээний гарчигт зөвхөн үзүүлж байгаа үйлчилгээний нэрийг бичнэ. Бусад мэдээллийг үйлчилгээний тайлбар хэсэгт бичнэ. Гарчиг нь үйлчилгээний тайлбартайгаа нийцэх ёстой.
Үндэслэлгүй том үсэг, таслал цэг тэмдэг ашиглахыг хориглоно.
Үйлчилгээний гарчиг хэсэгт ямар нэгэн сайт, холбоо барих утасны дугаар, хаяг оруулахыг хориглоно.
Олон нийтийн анхаарал татсан үгийг ашиглахгүй байх. Жишээ нь: Яаралтай, Анхаараарай, Урамшуулалтай, Хямдралтай г.м.

Байршуулж байгаа үйлчилгээний тайлбар

Үйлчилгээний тайлбарт үндэслэлгүй цэг тэмдэг, том үсэг ашиглахгүй байх
Оруулж буй үйлчилгээний тухай тайлбарлан бичнэ.
Тайлбар нь зөвхөн үйлчилгээний тухай тодорхой мэдээллийг оруулах.

Байршуулж байгаа үйлчилгээний фото зураг

Зураг нь үйлчилгээний утга агуулгатай нийцсэн байх ёстой.
Фото зураг нь ямар нэгэн тамгатай тохиолдолд ашиглахыг хориглоно.
Фото зурагт албан байгууллагын нэрийг тамга болгон оруулахыг зөвшөөрнө. Тамга нь зургын доод эсвэл дунд хэсэгт байрлана. Байгууллагын нэр тунгалаг байх ба жижиг үсэг ашигласан байна.
Зурагт бусдын анхаарал татсан текст оруулж засахгүй байх. Жишээ нь: Яаралтай, Анхаараарай, Хямдарсан гэх мэт. Мөн түүнчлэн зурагт засвар оруулж элдэв хэв маягийн фон, өнгийн хувиргалт, хүрээ хийсэн тохиолдолд зарын зургийг хүчингүйд тооцно.
Үл хөдлөхийн зард тухайн үл хөдлөхийн дотор зураг заавал орно. Дотор зураггүй бол орохгүй болохыг анхаарна уу.
Зурагт холбоо барих хаяг оруулахгүй байхыг хатуу анхаарна уу.

Үнэ

Зөвхөн санал болгож буй үйлчилгээний үнийг бичнэ.
Барааны үнийг зарын гарчигт оруулахгүй байх. Үнийн дүнг заасан талбарт бичнэ.

Сайтын удирдлага буюу Компанийн эрх, үүрэг:

Хэрэглэгч буюу хэрэглэгчийн өөрийнх нь бичиж найруулсан зарын утга агуулгад өөрчлөлт оруулахгүй байх.
Хэрэв утга агуулга нь сайт дахь өөр нэг категорид илүү тохиромжтой байгаа тохиолдолд зарын байршлыг өөрчлөн, тохиромжит категорид нийтлэх эрхтэй.
Хэрэв нийтлэгдсэн үйлчилгээ нь тухайн оруулсан категорид тохироогүй, сайтын дотоод дүрмийг зөрчсөн тохиолдолд устгах эрхтэй. Мөн түүнчлэн нэг Хэрэглэгчээс нийтлэгдэх үйлчилгээний тоог хязгаарлах эрхтэй.
Байршуулж буй мэдээлэл хуурамч, байж боломгүй тохиолдолд зарыг хүчингүйд тооцно. Тэр тусмаа тухайн үйлчилгээний үнэ нь хэт худал үнэлэгдсэн байвал байршуулсан үйлчилгээ устгагдана. Үйлчилгээний санал болгож буй үнээ үнэн зөв, бодитойгоор үнэлнэ.
Үйлчилгээний зураг нь гарчиг, тайлбартай шууд холбоотой зураг байх ёстой. Зурагт зөвхөн санал болгож буй объектын дүрс байна. Интернет сайтаас хуулсан, чанарын шаардлага хангаагүй зургийг сайт нийтлэхгүй болно.
Хэрэглэгчийн бичсэн зарын утга агуулга, сайтын холбоос, зарын тайлбарт сайт хариуцлага үүрэхгүй болно.
Хориотой бус, улсын хууль цаазад харшлаагүй, сайтын хориотой барааны жагсаалд ороогүй бүх бараа бүтээгдэхүүн, үйлчилгээ, ажлын байрын зарыг нийтэлж болно.

Байршуулсан үйлчилгээг дараах шалтгаануудаар устгана:

Энэхүү нөхцөлийг Хэрэглэгч зөрчсөн гэж үзвэл Компани нь Хэрэглэгчийн нийтэлсэн байршуулсан үйлчилгээг доорх шалтгаанаар устгах эрхтэй:

Компани нь эрх бүхий байгууллага болон холбогдох засгийн газрын байгууллагын шаардлагын дагуу зарыг устгах эрхтэй.
Компани нь өөрийн үзсэнээр зарыг нийтийн ёс суртахуунгүй гэж үзвэл устгах эрхтэй.
Тухайн Хэрэглэгчид нийтлэгдсэн захиалга, бараа, үйлчилгээтэй нь ижил төстэй, хуулбарлан байршуулсан бол
Оруулсан мэдээлэл нь энэхүү үйлчилгээний нөхцөл, нийтлэх журам болон холбогдох хууль тогтоомж зөрчих
Байршуулсан үйлчилгээнд агуулагдах мэдээлэл нь бодит бус байх
Гарчиг нь үйлчилгээний мэдээлэл тайлбартай холбогдолгүй байх
Гарчигт олон тооны цэг таслал, анхааруулгын тэмдэг, том үсэгтнүүд ашиглан оруулсан байх
Гарчиг болон тайлбарын зурагт интернет хаяг буюу бусад сайтын холбоос бичигдсэн байх
Зураг нь утга агуулгатай нийцээгүй, шууд хамааралгүй байх
Зураг нь интернет сайтаас хуулсан, абстракт, үл ойлгогдох
Гарчиг, тайлбар, зурагт ямар нэгэн хаяг оруулсан байх (бусад сайтын холбоос, е-мэйл, утасны дугаар, Skype, Facebook хаяг, г.м.)
Зургийн чанар буюу пиксел муу, сурталчилж буй бараа зураг дээрх бусад бараанаас ялгарч харагдахгүй байх
Тухайн зарын категорид үл таарах
Хэрэглэгчдийн зүгээс болон бусад байгууллагаас оюуны өмчийн эрхийг зөрчсөн гэсэн гомдол ирэх, мөн холбогдох засгийн газрын байгууллагын шаардлагын дагуу
Бусад Хэрэглэгчдийн сурталчлах эрх зөрчигдсөн талаарх үндэслэлтэй гомдол ирэх.

Гурав. Талуудын эрх үүрэг

Компанийн үйлчилгээг ашиглан нэвтрэн үзэх боломжтой дизайны элемент, текст, график, дүрслэл, видео, компьютерын программ, мэдээллийн бааз, дуу хөгжим, дуу, бусад объект, түүнчлэн үйлчилгээний цахим хуудсанд байрлуулсан ямар нэгэн агуулга нь Компанийн, Хэрэглэгчдийн болон бусад эрх эзэмшигчийн онцгой эрх болно.
Агуулга болон үйлчилгээний бусад элементүүдийг зөвхөн санал болгосон үйл ажиллагааны хүрээнд ашиглах боломжтой юм. Сайтын байрлуулсан ямар нэгэн агуулгыг зохиогчийн эрх эзэмшигчээс урьдчилан зөвшөөрөлгүйгээр өөрөөр ашиглаж болохгүй болно. Үүнд: дахин боловсруулах, хуулбарлах, түгээх, г.м. зүйл багтана.
Хэрэглэгчийн оруулсан мэдээллийг нийтлэх эрхийг Компанид олгох үүднээс Хэрэглэгч нь оруулсан мэдээллийн бүх агуулгын ашиглах, нийтлэх, хуулбарлах, хувилах, олон нийтийн мэдээлэл дамжуулах хэрэгслээр түгээх эрхийг Компанид хугацаагүй, буцалтгүй, онцгой бус хэлбэрээр олгож байгаа болно. Дээр дурдсан эрх нь ямар нэгэн цалин хөлс, урамшуулалгүйгээр үнэгүй олгогдоно. Энэ тохиолдолд байрлуулсан мэдээллийн өмчийн эрх нь Хэрэглэгчид байна.
Сайтын үйлчилгээг ашигласнаар Хэрэглэгч нь өөрийн оруулсан үйлчилгээн дэхь мэдээллийн хариуцлагыг дангаар үүрнэ.
Хэрэглэгчийн бичгээр өгсөн зөвшөөрлийн дагуу аль эсвэл холбогдох хууль тогтоомжийн дагуу Хэрэглэгчийн хувийн мэдээллийг гуравдагч этгээдэд олгогдоно.
Энэхүү нөхцөлийг зөрчсөн дурын зарыг Компани нь буцаах, устгах болон шилжүүлэх эрхтэй.
Хэрэглэгч нь сайтын ажиллагаатай холбоотой санал гомдлоо “Санал хүсэлт, сэтгэгдэл” болон “Гомдол” хэсгүүдээр дамжуулан илэрхийлэх эрхтэй. Санал гомдолтой ажлын 2 өдрийн дотор танилцана.
Компани нь Хэрэглэгчийн оруулсан мэдээллийг холбогдох зургийн хамт Сайтын сурталчилгааны зорилгоор нийтлэх эрхтэй. Үүнд Хэрэглэгчийн зөвшөөрөл шаардагдахгүй бөгөөд ямар нэгэн мөнгөн урамшуулал Хэрэглэгчид олгогдохгүй болно.
Компани нь Хэрэглэгчийн оруулсан үйлчилгээ үнэн зөв болохыг нотлох баримтыг Хэрэглэгчээс шаардах эрхтэй. Тусгай зөвшөөрөлтэйгөөр эрхлэх үйл ажиллагааны хувьд Хэрэглэгч нь өөрийгөө, эсхүл бүтээгдэхүүнээ сурталчлахдаа тусгай зөвшөөрлийн гэрчилгээ буюу түүний зохих ёсоор баталгаажсан хуулбарыг Компанид үзүүлэх үүрэгтэй.

Дөрөв.Үйлчилгээний төлбөр

Хэрэглэгч нь төлбөрт үйлчилгээг сайтаас болон аппликейшнээр дамжуулан авах боломжтой.
Хэрэглэгч нь төлбөрт үйлчилгээг захиалахаас өмнө, төлбөрийн нөхцөлтэй анхлан танилцах үүрэгтэй.
Үйлчилгээний төлбөрийг сайт дээр заасны дагуу хийнэ.
iOS аппликейшний (Apple® App Store® In-App Purchase) тусламжтай шилжүүлсэн мөнгөн дүн таны дансанд байрлах үед тухайн өдрийн мөрдөгдөж буй Монгол Банкны ханшнаас хамааран зөрүү үүсэх боломжтойг анхаарна уу.

Тав. Компанийн хариуцлагын хязгаарлалт

Сайтын үйлчилгээг ашигласнаар, Хэрэглэгч нь өөрийн эрсдэлийг үнэлэн бүх эрсдэлийг үүрнэ. Хэрэглэгчдийн бичсэн зарын текстийн утга агуулга, сайтын холбоос, зарын тайлбарт компани хариуцлага үүрэхгүй болно.
Компани нь Хэрэглэгчдийн хоорондын үйлчилгээний үйл ажиллагааны, худалдан авалтын зохион байгуулагч биш болно. Сайт нь Хэрэглэгчдийн хуулиар зөвшөөрөгдсөн захиалга, бараа, үйлчилгээ, тээвэр зэрэг бүтээн байгуулалттай холбоотой үйлчилгээг хүссэн үедээ, дурын газраас, хүссэн үнээр үйлчилгээ үзүүлэх, авах, худалдах болон худалдан авах боломжийг бусад Хэрэглэгчдэд олгох зорилготой худалдааны харилцаа холбооны платформ юм.
Компани нь Хэрэглэгчдийн үйлчилгээнд орсон мэдээллийн бодит байдлыг хянах боломжгүй юм. Компани нь хэлцэл хийгч талуудын аливаа нэгэн зохисгүй зан, эсвэл гарсан хохиролд хариуцлага хүлээхгүй болно.
Компани нь Хэрэглэгчийн үйлчилгээнд санал болгож буй бараа/үйлчилгээнд хариуцлага үүрэхгүй. Хэрэглэгчдийн хооронд гарсан маргаан, зөрчил нь Компанийн оролцоогүйгээр Хэрэглэгчдийн хооронд шийдвэрлэгдэнэ.
Гуравдагч этгээдийн хууль бусаар сайтад нэвтрэн Компанийн серверийг болон Хэрэглэгчдийн мэдээлэл ашиглах, түүнчлэн сайтаар дамжуулан вирус, Trojan, г.м. тараасан тохиолдолд хариуцлага хүлээхгүй.
Үйлчилгээнд байршсан бараа/үйлчилгээний чанар, аюулгүй байдал, хуулиар зөвшөөрөгдсөн байдал болон тайлбартайгаа нийцэх асуудал Компанийн хяналтаас гадуур байгаа болно.
Хэрэглэгч сайтыг ашиглаж байх үедээ анхаарал болгоомжтой байхыг компани зөвлөж байна. Хэрэглэгч нь дурдсан чадваргүй эсвэл өөр хүний дүр эсгэж байж болохыг анхаарна уу. Хэрэглэгч сайтыг хэрэглэснээр дээрх эрсдэлийг болон бусад Хэрэглэгчийн үйлдэлд компани хариуцлага үүрэхгүй болохыг хүлээн зөвшөөрсөнд тооцно.
Сайтын Хэрэглэгч нь өөрийн хийсэн үйлдэлд бүрэн хариуцлага үүрнэ.
Хэрэглэгчийн өөрийн эрх ашгийг өөр нэгэн Хэрэглэгч зөрчсөн тохиолдлыг Хэрэглэгч компанид мэдэгдэх эрхтэй. Хэрэглэгчийн гомдол бодит болох нь тогтоогдвол Компани нь өөрийн үзсэнээр холбогдох мэдээллийг устгах эрхтэй.
Сайтыг буруу хэрэглэснээс гарсан хохирлыг компани хариуцахгүй болно.

Зургаа. Үйлчилгээний нөхцөлийн хамрах хугацаа

Цагийн хязгаарлалт

Энэхүү нөхцөлийг Хэрэглэгч сайт ашиглаж эхэлсэн үеэс мөрдөх бөгөөд энэхүү нөхцөл нь хугацаагүй болно.

Хариуцлага

Хэрэглэгч нь өөрийн бүртгэлийг сайтаас компанид урдьчилан мэдэгдэлгүй, тайлбар өгөлгүй хасах эрхтэй.

Хэрэв компани 7 дугаар бүлэгт заасанчлан Үйлчилгээний нөхцөлд нэмэлт өөрчлөлтөөр оруулсан аль нэг заалтыг Хэрэглэгч хүлээн зөвшөөрөхгүй байгаа тохиолдолд Хэрэглэгч сайтын үйлчилгээг ашиглахаа дуусгавар болгох үүрэгтэй. Хэрэглэгч сайтыг ашигласан хэвээр байгаа тохиолдолд нэмэлт өөрчлөлтийг хүлээн зөвшөөрсөнд тооцно.

Платформ ашиглагчын үйлчилгээний нөхцөл